6. Leathanach oibre - Féile Ealaíona na Bealtaine

Comóradh míosa a cheiliúrann cruthaíocht daoine aosta is ea "Bealtaine". Cuireann an fhéile daoine aosta a spreagadh le bheith páirteach in imeachtaí ealaíona, mar aon le cumas daoine aosta sna healaíona a aithint agus cearta daoine aosta a bheith páirteach sna healaíona céanna a chur chun cinn.

Bíonn oifigí ealaíona, cumainn ealaíona, grúpaí daoine aosta agus cumainn áitiúla eile ag obair as lámha a chéile chun "Bealtaine" a chur chun cinn mar ócáid mhór, thábhachtach. Bhíodh féile mhór ann sa tír seo i dtús mhí na Bealtaine fadó ina ndéanfaí séasúr an Earraigh, athnuachan agus athfhás an dúlra agus úire an tséasúir a chomóradh.

Déanann na grúpaí go léir a ghlacann páirt san fhéile a gcuid imeachtaí féin a eagrú - ar nós imeachtaí drámaíochta, taispeántais cheardaíochta, ceolchoirmeacha agus turais chuig músaeim.

Ceisteanna

Freagair na ceisteanna seo a leanas. Bain úsáid as an bpróiseálaí focal nó déan an obair i do chóipleabhar.

1. Cad is Féile na Bealtaine ann?
2. Cén cineál imeachtaí a eagraítear mar chuid d'Fhéile na Bealtaine?
3. Déan liosta de na himeachtaí éagsúla a eagraítear. An féidir leat smaoineamh ar aon ócáid eile don Fhéile?
4. Cén chaoi a mbailíonn na grúpaí áitiúla an t-airgead atá riachtanach chun na himeachtaí éagsúla a chur ar siúl?
5. Samhlaigh go bhfuil tú i mbun ócáid áitiúil d'Fhéile na Bealtaine a eagrú. Scríobh litir chuig an nuachtán áitiúil chun an ócáid a phoibliú, ag míniú cad a bheidh ar siúl, cé atá á eagrú, cathain agus cá háit a mbeidh na hócáidí ar siúl agus cé gheobhaidh cuireadh le freastal ar an Fhéile.
6. Ag deireadh mhí Aibreáin fiosraigh i do leabharlann áitiúil an bhfuil aon ócáidí á n-eagrú i do cheantar féin mar chuid d'Fhéile na Bealtaine. Déan freastal ar cheann amháin de na hócáidí seo agus tabhair tuairisc don rang ina thaobh.