Cuir agallamh ar do Mhamó nó ar bhean aosta eile faoin saol a bhí acu nuair a bhí siad ina ndéagóirí. Réitigh liosta ceisteanna a chuirfidh tú uirthi faoi na ceannteidil seo:

• Éadach
• Siamsaíocht agus caitheamh aimsire
• Airgead - cé mhéad airgid a bhí le caitheamh acu?
• Fostaíocht - má bhí, cén cineál oibre a rinne sí?
• Obair tí - cén chaoi a raibh an obair tí? An raibh meaisín níocháin, meaisín níochán soithí, folúsghlantóir, fón nó gluaisteán mar chabhair aici?
• An réiteach don saol atá á chaitheamh anois acu an stíl maireachtála a bhí acu le linn a ndéaga?

Scríobh scéal dar teideal "Mo shaol in Éirinn sna daichidí" (nó sna caogaidí) bunaithe ar na freagraí a fuair tú. Bailigh grianghrafanna nó pictiúir ón ré sin, más féidir leat.

Tabhair cuireadh do dhuine aosta a scéal féin a scríobh agus é a léamh don rang.

B'fhéidir go dtabharfadh do mhúinteoir cuireadh do bhean nó do mhná aosta teacht isteach go dtí an seomra ranga agus labhairt faoin saol a bhí acu na blianta ó shin. Déan comparáid idir an seansaol agus saol mná óige sa lá atá inniu ann - do mháthair féin, mar shampla.