Cuireadh tús le tionscnamh speisialta i dTuaisceart na hÉireann sa bhliain 1992. Chuir an tionscnamh roimhe scileanna in úsáid ríomhairí a thabhairt do dhaoine aosta.

Ceathrar a bhí sa chéad rang. Ba daoine iad a raibh cónaí orthu i dteach banaltrais. Bhí siad os cionn 75 bliana d'aois agus bhí siad lag go leor. Cuireadh ranganna speisialta ar siúl sa teach banaltrais agus d'fhoghlaim siad conas ríomhairí a úsáid. Tá go leor daoine aosta tar éis foghlaim conas ríomhairí a úsáid de bharr gur ghlac siad páirt sa tionscnamh seo.

Cónaíonn daoine aosta, a bhaineann úsáid as ríomhairí, in áiteanna difriúla. Cónaíonn cuid acu i dtithe banaltrais, cuid eile ina n-aonar agus cuid eile fós sa mbaile lena muintir. Tá cuid acu folláin agus cuid eile lag. Scríobhann cuid acu scéalta a mbeatha ar na ríomhairí agus baineann na daoine aosta eile úsáid as an idirlíon agus as ríomhphost.

Ceisteanna

Freagair na ceisteanna seo le cabhair ón bpróiseálaí focal nó i do chóipleabhar.

1. Cén uair a thosaigh an tionscnamh speisialta i dTuaisceart na hÉireann?
2. Cén t-eolas atá agat faoi na daoine a bhí sa chéad rang?
3. Cár fhoghlaim siad conas úsáid a bhaint as ríomhairí?
4. An bhfuil aon eolas agat faoi na daoine aosta eile a úsáideann ríomhairí?
5. Cén fáth go gceapann tú go mbaineann daoine aosta taitneamh as ríomhairí a úsáid?
6. Cén úsáid a bhaineann daoine aosta as ríomhairí? Liostáil na smaointe atá agat.
7. An bhfuil aithne agat ar aon duine aosta a úsáideann ríomhaire? Scríobh cúpla abairt ag cur síos ar an úsáid seo.